Sabah qəbul imtahanıdır

Tələbə Qəbulu üzrə Dövlət Komissiyası (TQDK) iyulun 14-də növbəti imtahanlar keçirir.

Cari ilin məzunları üçün I və IV ixtisas qrupları üzrə qəbul imtahanı keçiriləcək. İmtahan bütün binalarda eyni vaxtda – saat 11:00-da başlanacaq və 3 saat davam edəcək.

TQDK abituriyentlərə müraciət edərək imtahana gələrkən şəxsiyyət vəsiqəsinin əslini və "İmtahana buraxılış vərəqəsi"ni gətirməyi tövsiyyə edib. Bu sənədlərdən biri olmazsa və ya sənədlər arasında uyğunsuzluq olarsa abituriyentlər imtahana buraxılmayacaq.

Eyni zamanda, imtahan binasına giriş zamanı üzərində mobil telefon, konspekt və digər yardımçı vasitələr aşkar olunan abituriyentlər barədə akt tərtib olunacaq və həmin abituriyentlər imtahan binasına buraxılmayacaqlar.

Ölkə.Az