İŞİD-in başkəsəni Azərbaycana yaxınlaşıb

İŞİD-dən ayrılıb-ayrılmadığı bəlli deyil.

Ölkə.Az Türkiyə mətbuatına istinadən xəbər verir ki, İŞİD terror təşkilatının başkəsmə videolarında yer alan britaniyalı Əbdülməcid Əbdülbərinin Türkiyədə olduğu iddia edilir.

İngiltərənin “Telegraph” qəzetinin verdiyi məlumata görə, İŞİD tərəfindən döyüşən 50 ingilisdən biri olan Əbdülbəri keçən ay Tel Abyad şəhərindən Türkiyəyə keçib. Suriyaya getməzdən əvvəl repçi olan terroristin iki il əvvəl qatıldığı İŞİD-dən ayrılıb-ayrılmadığı bəlli deyil.

Edam etdiyi insanların kəsik başları ilə çəkdirdiyi şəkillərlə bütün dünyanı şoka salan Əbdülbərinin atası da ABŞ-da həbsxanadadır. Terroristin atasının Əl-Qaidənin keçmiş lideri Üsamə bin Laden ilə əlaqəsinin olduğu təxmin edilir.

Ölkə.Az