"Google" bu linkləri silir
“Google”un axtarış bölməsinin silinməsi tələb edilir.
Ölkə.Az xarici mətbuata istinadən xəbər verir ki, keçən il ispaniyalı bir şəxs keçmişi ilə bağlı bəzi hadisələrin “Google”un axtarış bölməsindən silinməsi üçün Avropa Ədalət Məhkəməsinə müraciət edib. Bundan sonra dünyada 280 mindən çox insan "unudulma" haqqı tələb edib.
18 il əvvəl mülkünü satmaq məcburiyyətində qalması və borcları barədə məlumatların ortaya çıxması ilə bağlı Avropa Ədalət Məhkəməsinə müraciət edən Mariyo Kosteja keçən il məhkəməni qazanması ilə oxşar tələblərin sayını artırmış olub.
Bundan əlavə olaraq 1 milyon 100 mindən çox səhifənin də linkinin silinməsi istənilib. “Google” isə hələlik yalnız 602 linki silib.
Ən çox linki silinən səhifə “Facebook” olub, ikinci sırada isə “Youtube” yer alır. Pedofillər və cinayətkarlar da keçmişləri haqqında məlumatların silinməsini tələb edib. “Google” üzvləri isə bu tələblərin bir-bir araşdırılmasının zəruri, amma çox böyük yük olduğunu bildirib.
Ölkə.Az