Komitə sədrindən işçilərinə

Əmlak Məsələləri Dövlət Komitəsinin(ƏMDK) sədri Kərəm Həsənov ayrı-ayrı struktur və qurum rəhbərlərinə tapşırıqlar verib.

Ölkə.Az ƏMDK-ya istinadən xəbər verir ki, bu məqsədlə 2015-ci ilin birinci yarısında görülmüş işlər və qarşıda duran vəzifələrə dair geniş müşavirə keçirilib.

K.Həsənov çıxışında bütün struktur və bölmə rəhbərlərinə ölkə başçısının fərman və sərəncamları ilə verilmiş tapşırıqları rəhbər tutmaqla qanunçuluq və insan hüquqlarının qorunmasını tapşırıb:

Bundan əlavə, sədr Komitənin yeni Əsasnaməsində əksini tapmış vəzifə və funksiyaların icrasında, torpaq münasibətləri və mülkiyyət hüquqlarının tənzimlənməsində vahid idarəçilik prinsipinin tətbiqində daha səmərəli və operativ tədbirlərin görülməsi barədə tapşırıqlar verib.

Eyni zamanda, torpaqların təyinatı üzrə istifadəsi və mühafizəsinə nəzarətin gücləndirilməsi, qanunsuz istifadə hallarının aradan qaldırılması, torpaq bazarının təşkili, torpaq sərhədləri ilə bağlı uyğunsuzluqların aradan qaldırılması işlərinin sürətləndirilməsi tapşırılıb.

Qeyd edək ki, komitə sədrinin dövlət torpaq kadastrı, yerquruluşu, torpaqların elektron uçotunun aparılması və xəritələşdirilməsi, mərzçəkmə və torpaqların monitorinqi istiqamətində tədbirlərin görülməsi barədə göstərişlər də olub.

Ölkə.Az