SOCAR prezidenti: Günah “AzMeCo”nun özündədir

Azərbaycan Dövlət Neft Şirkəti (SOCAR) Rusiyanın "Qazprom" şirkəti tərəfindən "AzMeCo"ya satılacaq qazın nəqlini təmin edəcək.

Ölkə.Az APA-ya istinadən xəbər verir ki, bunu SOCAR prezidenti Rövnəq Abdullayev deyib.

"Bizim qaza ehtiyacımız yoxdur. Biz müqavilə öhdəliklərimizin hamısını yerinə yetiririk. Metanol zavodu tikilir. Bu zavod bizimlə uzunmüddətli qaz müqaviləsi imzalamayıb. Ona görə də, bizim o zavod üçün resursumuz yoxdur. Günah onların ("AzMeCo" - red.) özündədir ki, zavodu tikib, sonra qazı fikirləşiblər", - deyə R. Abdullayev qeyd edib.

SOCAR prezidenti qeyd edib ki, o, "AzMeCo"nun "Qazprom”dan qaz almasına etiraz etməyib. Bununla yanaşı, R. Abdullayev bildirib ki, metanol istehsalçısının "Qazprom"dan qaz alması "normal haldır".

Qeyd edək ki, bir müddət əvvəl KİV-də yayılan məlumata görə, metanol zavodunun fəaliyyəti dayandırılmışdı. Şirkət fəaliyyətinin dayandırmasını SOCAR tərəfdən qazın çatdırılmaması ilə əlaqdar olduğunu bildirmişdi.

SOCAR isə bunu “AzMeCo” qaz pulunu bazar qiymətinə ödəmək istəməməsi ilə əlaqələndirmişdi.

Ölkə.Az