SOCAR yeraltı qaz anbarlarındakı aktiv qazın həcmini açıqladı
Bu günədək yeraltı qaz anbarlarına ümumilikdə 892 milyon kubmetrdən artıq qaz vurulub.
Ölkə.Az Dövlət Neft Şirkətinə (SOCAR) istinadən xəbər verir ki, bu prosesə mövcud qrafikə uyğun olaraq, aprel ayından başlanılıb.
SOCAR bildirib ki, qalıq qazla birlikdə hazırda anbarlarda yığılmış aktiv qazın miqdarı 1 milyard 822 milyon kubmetr təşkil edib.
Bundan əlavə, şirkət qeyd edib ki, Azneft İstehsalat Birliyinin Qaz Anbarlarının İstismarı İdarəsi bu ilin ilk 6 ayını uğurlu göstəricilərlə başa vurub:
“Yeraltı qaz anbarlarının aktiv tutumunun artırılmasına dair qoyulmuş vəzifələr təxirə salınmadan və yüksək keyfiyyətlə yerinə yetirilir. Hazırda payız-qış mövsümü üçün İdarənin balansındakı “Qaradağ” və “Qalmaz” qaz anbabarlarına təbii qazın vurulması uğurla davam etdirilir”-deyə, SOCAR-dan bildirilib.
Ölkə.Az