Laçında şəhid olan hərbçilərimizin dəfn yerləri bəlli oldu - YENİLƏNİB + VİDEO
Ölkə.az-ın məlumatına görə, əsgər Xudiyev Samir Səməd oğlu Füzuli rayonunun Əhmədalılar kəndində torpağa tapşırılacaq.
Digər şəhidimiz Əliyev Tahir Çingiz oğlu isə doğulduğu Ağstafa rayonunun Xətai kəndində dəfn olunacaq.
Dəfn mərasimləri sabah baş tutacaq.
***
Avqustun 5-də Laçın rayonunda qaya parçasının düşməsi nəticəsində ağır xəsarət almış əsgər Əliyev Tahir Çingiz oğlu vəfat edib.
***
Avqustun 5-i Laçın rayonunda çətin relyefli ərazidə xidməti döyüş tapşırığını yerinə yetirərkən sıldırım qayalıqlardan qopan qaya parçası Azərbaycan Ordusunun müddətli həqiqi hərbi xidmət hərbi qulluqçuları əsgər Xudiyev Samir Səməd oğlu və əsgər Əliyev Tahir Çingiz oğlunun üzərinə düşüb.
Bu barədə "Ölkə.az"a Müdafiə Nazirliyindən məlumat verilib.
Nəticədə əsgər S.Xudiyev aldığı bədən xəsarətlərindən hadisə yerində vəfat edib. Müxtəlif bədən xəsarətləri almış əsgər T.Əliyevin vəziyyəti ağır qiymətləndirilir.
Faktla bağlı cinayət işi açılıb, araşdırma aparılır.
