Mətn ölçüsü:
  • 100%

“Qarabağ” “Ayaks”ın yetirməsi ilə müqavilə imzaladı

Çempionlar Liqasının startı ərəfəsində “Qarabağ” klubu hollandiyalı forvard Raydel Pupon ilə müqavilə imzaladığını elan etdi.

Hücumçu böyük futbolda karyerasına 2006-cı ildə Amsterdamın məşhur “Ayaks” klubunda başlayıb. Daha sonra holland klublarında oynayıb, keçmiş mövsümü isə fransız “Valansyen”ində keçirib.

Pupon ilə 2 illik müqavilə bağlanıb. Onun adı artıq Avropa kuboklarında iştirak ərizəsinə daxil edilib.

Bu, “Qarabağ”ın yay ərzində yeddinci transferidir. Daha öncə klubun sıralarını Coşqun Diniyev, Vüqar Mustafayev, Azər Salahlı, Elvin Məmmədov, Elvin Yunuszadə və Alarbi Əl Jadouini möhkəmləndirib.

Ölkə.Az