Laçından köçən ermənilər qəbir daşlarını da özləri ilə aparırlar, evlərini sökürlər - “Hraparak”

“Ağavno, Berdzor, Susdan insanların təxliyəsi Azərbaycan tərəfinin tələbi deyil, Azərbaycan bu ərazidə yaşayan 350-yə yaxın erməni sakininin öz yaşayış məntəqələrində yaşamağa davam edəcəyini qəbul etməyə hazırdır. Bir şərtlə ki, onlar Azərbaycan vətəndaşı olsunlar və Azərbaycan qanunlarına uyğun yaşasınlar. Yəni yaşadıqları dövlətin hakimiyyət və qanunlarına tabe olurlar”. “Ölkə.Az” xəbər verir ki, bu fikirlər erməni mətbu orqanı olan “Hraparak”da “Laçındakı vəziyyətin yeni təfərrüatları” məqaləsində yer alıb. Məqalədə deyilir ki, bu məsələ ilə bağlı qərara vermək onların öz işidir. Lakin onlar köçkünlük reallığı ilə barışıb və artıq əşyalarını yığır, evlərini tərk etməyə hazırlaşırlar. “Köçürülməyə gəlincə, onlar əmlakın mümkün qədər çox hissəsini köçürəcəklər. Hətta bəziləri yeni qəsəbədə həyata sıfırdan başlamamaq üçün qəbirlərdən məzar daşlarını çıxarır, yenidən basdırmaq üçün məzardan bir ovuc torpaq da götürürlər. İmkan daxilində evlərini sökürlər. ...Yeri gəlmişkən, avqustun 22-dən Ağavno, Berdzor, Susda elektrik enerjisinin kəsiləcəyi ilə bağlı xəbərlər yayılıb”- yazıda qeyd olunub. Yazıda daha sonra qeyd olunur ki, 350 sakinə Artsaxda və Ermənistanda yaşamağı seçmək təklif olunub. Onlara dərhal Artsaxda evlər, Ermənistana köçdükləri halda isə mənzil almaq üçün sertifikatlar veriləcək. Söhbət hansı məbləğdən getdiyimizi yaxın vaxtlarda öyrənəcəyik. Onlar da bildiriblər ki, onların əksəriyyəti Ermənistana köçməyə üstünlük verir.