İki yük maşını toqquşdu, ölən var
Lənkəranda ağır yol-nəqliyyat hadisəsi baş verib.Hadisə Ələt-Astara magistral yolunun Lənkəran rayonu Şirinsu kəndi ərazisində baş verib. Baş verən qəzadə 90- NB- 323 dövlət nömrə nişanlı “Shacman” markalı yük maşını ilə, 44-AC- 585 dövlət nömrə nişanlı “Hovo ” markalı yük avtomobili toqquşub.
Lənkəran rayon Polis Şöbəsindən verilən məlumata görə hadisə nəticəsində yük avtomobillərindən birinin sürücüsü hadisə yerində dünyasını dəyişib. Digər sürücünün vəziyyəti isə ağırdır.
Qəza “Hovo” markalı yük avtomobilinin digər avtomobilin yoluna çıxması səbəbindən baş verib.
Baş verən qəzadan sonra yolda uzunmüddətli tıxac yaranıb. Buna səbəb isə yük avtomobilərinin daşıdığı çınqılın yola tökülməsi olub. Hazırda yolda təmizləmə işləri aparılır
.
Hadisə yerinə Fövqəladə Hallar Nazirliyinin əməkdaşları cəlb edilib.
Ölkə.Az