Kadırovun ordusu döyüşə hazırdır

Çeçenistan başçısı Ramzan Kadırov öz Facebook səhifəsində "xüsusi bölmələrin operativ-taktiki tapşırıqların yerinə yetirilməsinə hazırlığının qəfil yoxlanılmasını" əks etdirən video yerləşdirib.

Çeçen lider öz bloqunda yazıb ki, "əvvəlcə terror aktı törətməyə cəhd edən "cinayətkar qrupun" "məhv edilməsində" iştirak edən dəstələrin düzülüşü baş verib.

Daha sonra kəşfiyyat məlumatlarına görə silahlı terrorçuların gizləndiyi dağ-meşə ərazisinə irəlləmə həyata keçirilib. Sözü gedən ərazini gizli olaraq bloklaşdıran döyüşçülər cinayətkarların zərərsizləşdirməsinə başlayıb.

Tapşırığın yerinə yetirilməsi haqqında siqnal daxil olduqdan sonra əsas qruplar ərazinin "zaçistka"sını (təmizlənməsini) həyata keçirib.

Təlimləri müşahidə edən müfəttişlər xüsusi təyinatlıların peşakarlığını, fiziki və döyüş göstəricilərini yüksək qiymətləndirib.
Kadırov qeyd edib ki, hal-hazırda azsaylı qruplar, xüsusən də tək hərəkət edən terrorçulara qarşı mübarizə aparmaq bacarığına yiyələnmək vacibdir. Dünyada baş verən hadisələr onu göstərir ki, ən ciddi və real təhdidlərin mənbəyi məhz onlardır.

Respublika rəhbəri aparılan yoxlamanın nəticələrindən razı qaldığını bildirib.

"Bu uşaqlar praktiki olaraq istənilən tapşırığı yerinə yetirməyə qadirdir", — deyə Kadırov vurğulayıb. (ans)

Ölkə.Az