“Sәfәrdә fәrqli oynaya bilәrik”

Bu gün UEFA Çempionlar Liqasında ikinci tәsnifat mәrhәlәsәnin oyunlarına start verilib. 

Azәrbaycan tәmsilçisi “Qarabağ” Monteneqro tәmsilçisi “Rudar”la qarşılaşıb vә 0:0 bәrabәrliyә imza atıb. 

Oyundan sonra "Qarabağ"ın baş mәşqçisi Qurban Qurbanov fikirlәrini bildirib: “Oyundan әvvәl dә fikirlәrimi bildirmişdim. Yaxşı oyun oldu. Әlbәttә ki, qalib gәlmәk istәyirdik. Qol vurmaq istәyirdik. Alınmadı. 0:0 nәticә bizim üçün sәfәrdә daha yaxşı ola bilәr. Monteneqroda fәrqli oynaya bilәrik. Hücumlarımızı qura bildik. Uşaqlardan narazı deyilәm. Azarkeşlәrә dә tәşәkkür edirәm. Sona qәdәr 0:0 hesabı olmasına baxmayaraq sona qәdәr dәstәk oldular. Künc zәrbәlәri üzәrindә işlәmişdik. Amma çatışmazlıqlar var”. 

Tәcrübәli mütәxәssis komandasının müdafiәdә yaxşı oynadığını bildirib: “Müdafiәdә yaxşı oynadıq. Rәqib hücum edirdi, amma biz qarşısını yaxşı alırdıq. Onların müdafiәsinә qarşı düşünülmüş hücumlar qurduq. Amma “Rudar” yaxşı müdafiә olunurdu”. 

Qurbanov “komandanızın üzәrindә tәzyiq hiss etdizmi” sualına belә cavab verib: 

“Bu tәzyiqi pozitiv düşünmәk lazımdır. İnsanların bizә inanması sevindiricidir. Ümid edirәm ki, bundan istifadә edib yaxşı nәticә qazanacağıq”. (qafqazinfo)

Ölkə.Az