"Dəniz kuboku"nun püşkatması keçirilib - FOTO
Azərbaycanın Xəzər dənizindəki ərazi sularında “Beynəlxalq Ordu Oyunları-2022” yarışları çərçivəsində keçiriləcək "Dəniz kuboku" müsabiqəsinin püşkatması keçirilib.
"Ölkə.az" xəbər verir ki, mərasim Hərbi Dəniz Qüvvələrinin (HDQ) inzibati binasında baş tutub.
Püşkatmadan öncə HDQ-nin komandanı kontr-admiral Sübhan Bəkirov mətbuat konfransı keçirib. O, komanda iştakçılarına uğurlar arzulayıb.
Yarışda Azərbaycan, Rusiya, İran və Qazaxıstan hərbi dənizçiləri iştirak edəcək.
Xatırladaq ki, "Dəniz kuboku" müsabiqəsi avqust ayının 15-dən 25-dək davam edəcək. Artıq 5-ci dəfədir ki, ölkəmizdə təşkil olunan yarışın lazımi səviyyədə keçirilməsi üçün hər cür şərait yaradılıb və bütün təşkilatı işləri başa çatıb.
