Vaqif Sadıqov: \
Mətn ölçüsü:
  • 100%

Vaqif Sadıqov: \"Qarabağ\"ı fovarit görürəm

Çempionlar Liqasında II təsnifat mərhələsində "Qarabağ" "Rudar"ı qəbul edib.

Oyun gözlənilənin əksinə olaraq qolsuz bərabərliklə bitib.

"Qarabağ"ın dünənki oyunu, transferləri və qarşıdakı oyunlarını AFFA-nın Məşqçilər Komitəsinin sədri Vaqif Sadıqov Ölkə.az-da dəyərləndirib.

Vaqif Sadıqov: ""Rudar"a qarşı dünən "Qarabağ" öz oyununu oynayırdı. Öz dəsti-xəttinə malik bir komandamız var. Dünənki oyunda da biz bu oyunu gördük. Çatışmayan bir şey var idi, o da qolun olmamağı. "Qarabağ" səfərdə mütləq qol vurmaqla mərhələni keçəcək. Rəqib o gücdə deyil ki, "Qarabağ"ı bu mərhələdən kənarlaşdırsın. Rəqib sırf müdafiəni seçib, 90 dəqiqə müdafiədə oturdu, bəlkə də səfərdə özünə sərf edən nəticəni əldə edib. Nəzərə alsaq ki, iki oyunun nəticəsinə görə mərhələ keçiləcək, ona görə də "Qarabağ"ı fovarit görürəm. Bir şeyi yaddan çıxarmayaq ki, ilk oyunduк, ona görə də "Qarabağ"ı optimal idman formasında görmək çətin olardı. Oyundan oyuna bu məsələ aradan qalxacaq".

- "Qarabağ"dan bir neçə oyunçu klubla yollarını ayırdı və onların yerinə yeni futbolçular gətirilib. Gələnlər gedənləri əvəz edə biləcək?

- "Qarabağ" hansısa bir oyunçuya görə komanda deyil. "Qarabağ" komandası Qarabağ ruhu ilə, komanda şəklində oynayır. Dünən biz meydanda 70% topa sahib olan bir komandanı gördük. Bütün 90 dəqiqəni diqtə edən komandamızı gördük. Düzdür bu üstünlüyü qola çevirməyi bacarmadıq. Yeni gələn oyunçular da "Qarabağ"ın oyununa uyğunlaşacaq.

Müsabət cəhətlərdən çox danışdıq, ancaq oyunun gedişində hücum potensialını gücləndirən oyunçular da çox deyildi. Ehtiyatda oturan oyunçulara baxdıqda görərik ki, oyunun hücum yönünü dəyişdirib, maraq qatacaq oyunçular demək olar yox idi. "Qarabağ"ın əsas problemlərindən biri budur. Məncə bunu Qurban Qurbanov görür və bu yöndə transferlər edərək problemi həll edəcək.

- "Qarabağ" çempionlar liqası və yaxud Avroliqanın qrup mərhələsinə düşə bilər?

- Biz hamımız bunun arzusundayıq. "Qarabağ" keçən il bunu sübut edib, göstərdi. Biz yenə də "Qarabağ"dan bunu gözləyirik.

Səxavət Məmməd
Ölkə.az