Kerri və Zərif Nobel mükafatı alacaq?
Bu razılaşma dünyada birmənalı qarşılanmayıb.
Ölkə.Az xəbər verir ki, Sülh problemlərinin tədqiqatı üzrə Stokholm beynəlxalq institutu İranın xarici işlər naziri Məhəmməd Cavad Zərif və ABŞ dövlət katibi Con Kerrinin 2016-cı il Nobel mükafatına namizədliklərini irəli sürüb.
Bu barədə məlumat IRNA agentliyi tərəfindən yayılıb.
Bildirilir ki, Sülh problemlərinin tədqiqatı üzrə Stokholm beynəlxalq institutu onların iran nüvə proqramı üzrə razılaşmanın əldə olunmasındakı rollarını xüsusilə qeyd edib.
Vyanada İran ilə "altılıq" ölkələri arasında aparılan danışıqlarda ötən gün razılaşma əldə olunub. Bu razılaşmaya əsasən, İran daxilində nüvə obyektlərinin təftişi - BMT müfəttişlərinə hərbi obyektləri təftiş etməyə icazə verilə bilər, amma bu avtomatik olmaya bilər. Həmçinin, İran razılaşır ki, əgər razılaşmanı pozarsa, sanksiyalar 65 gün ərzində bərpa oluna bilər. BMT-nin silah embarqosu və raket sanksiyaları 5-8 il ərzində qüvvəsində qalacaq.
İran ilə "altılıq" ölkələri arasında əldə olunan bu razılaşma dünyada birmənalı qarşılanmayıb. Bir çox ölkə İranla "altılıq" arasında əldə olunan razılığı dəstəkləsə də, digərləri tənqid edir.
Rəşid Mustafazadə
Ölkə.Az