Gülağa Aslanlı: "Müsavatın 70 dairədən namizədi məlumdur"
"70 dairədən namizədlərimiz məlumdur, digərləri də müzakirə olunur"
Qarşıdan parlament seçkiləri gəlir. Hakim partiya olan YAP artıq bəyan edib ki, seçkilərə tam hazırdı.
Bəs müxalif partiyalar seçkilərə necə hazırlaşır?
Müsavat partiyasının seçkilərə necə hazırlaşması ilə bağlı Ölkə.az-ın suallarını partiyanın İcra Aparatının rəhbəri Gülağa Aslanlı cavablandırıb.
Müsavat partiyası İcra aparatının rəhbəri Gülağa Aslanlının Ölkə.az-a verdiyi məlumata görə, Müsavat partiyasında hər şey bəllidir, ancaq nizamnaməyə görə bunların hamısı partiyanın Məclisində təstiq olunmalıdır. Partiyanın məclisi də MSK seçkilərin keçirliməsi haqqında qərar verəndən sonra açıqlanacaq.
Gülağa Aslanlının sözlərinə görə Müsavat partiyasının 70 dairə üzrə namizədləri tam müəyyənləşib, digər dairələrdə də müəyyənləşmə gedir.
Qeyd edək ki, hal-hazırda Milli Məclisdə Müsavat partiyasını təmsil edən millət vəkili yoxdur.
Səxavət Məmməd
Ölkə.az
