Fransada 700 nəfər istidən öldü
Ölənlərin sayının keçən ilə nisbətən 7% artdığını bildirilib.
Ölkə.Az xarici mətbuata istinadən xəbər verir ki, təkcə ötən həftə ərzində Fransada anomal istilər səbəbi ilə 700 nəfər dünyasını dəyişib.
Fransanın Səhiyyə Naziri Marisol Turen ölənlərin sayının keçən ilə nisbətən 7% artdığını bildirib.
Qeyd edək ki, Fransada iyun ayının 29-dan iyul ayının 5-ə qədər xeyli ərazidə 40 dərəcədən yüksək istilər qeydə alınıb və bu son 60 ilin ən isti günləri olub. Ölkədə 2003-cü ildə oxşar hadisə baş vermişdi və əksəriyyəti evdə tək yaşayan yaşlılar olmaqla 20 mindən çox insan dünyasını dəyişmişdi.
Ölkə.Az