Samsung dünyanın ən varlı 7-ci şirkəti oldu

Ölkə.az-ın verdiyi məlumata görə Cənubi Koreyanın texnologiya nəhəngi "Samsung" dünyanın ən varlı yeddinci şirkəti olub. Mərkəzi ofisi İngiltərədə yerləşən "İnterbrand Səhm Məsləhətçilik" şirkəti tərəfindən hazırlanan illik "Best 100 Global Brands"ın hesabatında, "Samsung" şirkətinin, dünyada ən varlı 100 şirkət arasında 7-ci sırada yer aldığı qeyd edilib.

Hesabatda, "Samsung" şirkətinin  səhmlərinin  dəyəri keçən ilə nisbətən təxminən 15 % artaraq 50 milyard dollara yüksəldiyi vurğulanır.

Koreyanın  digər nəhəng şirkətlərindən biri "Hyundai"nin, 16% dəyər itkisinə məruz qalaraq, 10 milyard dollarlıq  səhm dəyəriylə 40-cı sırada qərar tutduğu bildirilir.

Xatırladırıq ki, "Samsung" şirkətinin ən böyük rəqibi sayılan "Apple" , təxminən 120 milyard dollarlıq səhm dəyəriylə iki il üst-üstə birinciliyini qorumağı bacarıb.

Ziya Rəhmanov

Ölkə.az