Mingəçevirdə ölümlə nəticələnən qəza

Mingəçevirdə "Mercedes" markalı minik avtomobili idarəetməni itirərək aşmışdır.

Ölkə.Az Fövqəladə Hallar Nazirliyinin saytına istinadən xəbər verir ki, Mingəçevir-Xaldan yolunun 3-cü kilometrliyində “Mercedes” markalı minik avtomobili idarəetməni itirərək aşmışdır.

Aran Regional Mərkəzinin xilasediciləri tərəfindən deformasiyaya uğramış avtomobildə sıxılmış vəziyyətdə qalmış sürücü 1989-cu il İsrafilov Xəyal Sahil oğlunun meyiti avtomobildən çıxarılaraq aidiyyəti üzrə təhvil verilmişdir.

Əməliyyat saat 01:50-də başa çatmışdır.

Ölkə.Az