Əmək qanunvericiliyi 8 min dəfədən çox pozuldu

Azərbaycanda 2015-ci ilin I yarısında 8076 halda əmək qanunvericiliyinin pozulması faktı aşkarlanıb.

Ölkə.Az-a bu barədə Əmək və Əhalinin Sosial Müdafiəsi Nazirliyindən (ƏƏSMN) bildirilib.

Məlumata görə, hüquq pozuntularının daha çox ticarət və ictimai iaşə, topdansatış, tikinti sektorlarında və əsasən özəl sektora aid müəssisələrdə baş verdiyi müəyyən edilib.

Nazirlik bildirib ki, əmək qanunvericiliyin pozulmasına görə, cərimələr tətbiq olunub. Cərimələrin 53,8%-nin dövlət büdcəsinə ödənilməsi təmin edilib ki, bu da ötən ilin birinci yarımili ilə 12,8% çoxdur.

Ölkə.Az