Oksana filmdə çəkilir - baş rolda

Sentyabrda təqdim olunacaq.

Ölkə.Az xəbər verir ki, məşhur azərbaycanlı rəqqasə, hind rəqslərinin mahir ifaçısı Oksana Rəsulova "Zaman adlı qatar" filmində çəkilir.

Qeyd edək ki, Rəsulova rejissoru Kənan musayev olan filmdə baş rol alıb.

Filmin sentyabr ayında təqdim ediləcəyi gözlənilir.

Oksana Rəsulova ginekoloq və dəri zöhrəvi həkimi olmasına baxmayaraq 19 ildir hind rəqsinə həm nəzəri, həm də texniki cəhətdən yiyələnməkdədir. Hind rəqsi üzrə bir çox beynəlxalq müsabiqələrdə qalib eyni zamanda 2-ci və 3-cü dərəcəli laureat olub.

O, 2007-ci ildə Moskvada Hind rəqs ulduzları ilə birgə “Şavratri” adlı ilk keçirilən müziklda “Apsara” rolunu ifa edib. 2008-ci ildə isə Peterburqda keçirilən "Beynəlxalq Hind Rəqsləri Müsabiqəsi"ndə 1-ci yerə layiq görülüb. Nəhayət 2009-cu ilin oktyabr ayında Azərbaycanı Hind mədəniyyət festivalı “Divali 2009” da təmsil edib və 1-ci yərə çıxıb. Daha sonra “Hind rəqsləri üzrə 3-cü açıq konkurs”-da iştirak edib və 3-cü yeri tutub.

2014-cü ildə Hindistanın “Zee Tv” telekanalında "India's Best Cine Star Ki Khoj" adlanan 12 nəfərlik realiti şousunun finalçıları arasında 6 qızdan biri olmağı bacaran Oksana Rəsulova, məşhur rejissor və aktyorların münsif kürsüsündə əyləşdiyi verlişdə bütün münsifləri təəcübləndirib.

Ölkə.Az