AZAL-da biletlər niyə avro ilə satılır?
“Azərbaycan Hava Yolları” QSC-də (AZAL) biletlərin avro ilə satılmasına aydınlıq gətirlib.
Bu gün keçirilən mətbuat konfransında AZAL-ın sərnişindaşıma şirkətinin direktoru Eldar Hacıyev bunun səbəbinin təmsil etdiyi qurumda olmadığını bildirib.
Eldar Hacıyev bildirib ki, Azərbaycan Beynəlxalq hava nəqliyyatı assosasiyasına (İATA) daxil edildiyi üçün AZAL aviabiletlərl avro ilə satmağa məcburdur.
Onun sözlərinə görə, Azərbaycan 2006-cı ildə bu assosasiyaya daxil olana qədər aviabiletləri dollarla satırdı.
"Lakin İATA qoşulduqdan sonra Azərbaycan da bir sıra ölkələr kimi avrozonaya daxil oldu. Ona görə də biz manatla bilet sata bilmirik", - Eldar Hacıyev bildirib.
Mətbuat konfransında AZAL-ın vitse-prezidenti Arif Məmmədov isə bildirib ki, Aviabiletlərin qiymətlərinin aşağı salınması bəzi reyslərin bağlanmasına səbəb olacaq.
Onun sözlərinə görə, aviabiletlərin qiymətləri elə səviyyədə olmalıdır ki, çəkilən xərc maya dəyərini qarşılasın. (ans)
Ölkə.Az
