Lalə Dadaşova: "Ölənə qədər onu çox istəyəcəyəm"

Tanınmış müğənni Lalə Dadaşova keçmiş gəlini, əməkdar artist Mehriban Xanlarovanın "həyat yoldaşımla qaynanamın ucbatından ayrıldıq" ifadəsində söhbətin ondan getməsi barədə yazılanlarla razı deyil.

Dadaşova Ölkə.az-a açıqlamasında bildirib ki, hazırda Mehriban Xanlarova ilə münasibətləri əladır:

"Kim nə istəyir, yazsın. Mehriban heç vaxt məni nəzərdə tutub elə söz deməz. Hərə öz tərbiyəsinə uyğun nəsə yazırsa, buna nə Mehriban, nə də mən cavabdeh deyilik. Orada söhbət məndən getmir. Ölənə qədər onu çox istəyəcəyəm".

Qeyd edək ki, Xanlarova “Yeri gəlmişkən” verilişində qonaq olarkən bildirib ki, ailəsinə görə dörd il aktrisalıqdan uzaqlaşıb. O, bildirib ki, ailəsi qaynanasının ucbatından dağılıb. Bəzi saytlar isə əməkdar artistin bu açıqlamasını onun keçmiş qaynanası Lalə Dadaşovanı ittiham etməsi kimi təqdim ediblər.

İntiqam VALEHOĞLU
Ölkə.az