Obama Ərdoğanla razılığa gəldi

"Obama Türkiyənin milli təhlükəsizliyinin təmin edilməsi tərəfdarı olduğunu təsdiq edib"

Ölkə.Az xəbər verir ki, ABŞ prezidenti Barak Obama və Türkiyə prezidenti Rəcəb Tayyıb Ərdoğan ötən gün əcnəbi döyüşçülərin axınının qarşısının alınması və Türkiyə-Suriya sərhədinin təhlükəsizliyinin təmin edilməsi ilə bağlı razılığa gəliblər.

Bu barədə məlumat Ağ Ev tərəfindən yayılıb.

"Liderlər əcnəbi döyüşçülərin axınının qarşısının alınması və Türkiyə-Suriya sərhədinin təhlükəsizliyinin təmin edilməsinə yönəlmiş əməkdaşlığın genişləndirilməsini müzakirə ediblər. Obama Türkiyənin milli təhlükəsizliyinin təmin edilməsi tərəfdarı olduğunu təsdiq edib. Rəhbərlər bu və digər regional məsələlərdə sıx əməkdaşlıqla bağlı razılıq əldə ediblər", - deyə məlumatda deyilir.

Xatırladaq ki, 20 iyulda Türkiyənin Şanlıurfa vilayətinin Suruç rayonunda törədilən terror aktı törədilib. Amara Mədəniyyət Mərkəzinin həyətində partlayıcı qurğu işə salınıb. Nəticədə hadisə yerində 31 nəfər ölüb, xeyli sayda yaralı var. Ən azı 45 nəfər xəstəxanalara yerləşdirilib.

Partlayışı İŞİD üzvü olan 18 yaşlı qızın törətdiyi bildirilir.

Rəşid Mustafazadə

Ölkə.Az