Mətn ölçüsü:
  • 100%

İŞİD-in neft gəlirləri açıqlandı

ABŞ Maliyyə nazirliyi: "İŞİD neft ticarətindən ayda 40 milyon dollar qazanır"

Ölkə.Az xəbər verir ki, ABŞ maliyyə nazirinin köməkçisi Deniel Qleyzerin bəyanatına görə, İŞİD terror təşkilatının üzvləri işğal etdikləri ərazilərdə çıxarılan neftin satışından hər ay 40 milyon dollar gəlir əldə edirlər.

O qeyd edib ki, sözügedən məlumat Suriyanın şərqində neft hasilatına nəzarət edən İŞİD liderilərindən biri Əbu Sayafın əməliyyat nəticəsində məhv edilməsindən sonra üzə çıxıb.

İraq Şam İslam Dövləti (İŞİD) İraq və Suriya ərazisində fəaliyyət göstərən silahlı paramilitar qruplaşmadır. İŞİD 3 yanvar 2014-cü il tarixində müstəqilliyini, 29 iyun 2014-cü il tarixində isə yeni xilafət yarandığını elan etmiş tanınmamış dövlət hesab olunur.

Rəşid Mustafazadə

Ölkə.Az