Obama nənəsi ilə yeməkdə

ABŞ prezidenti Barak Obama ata yurduna səyahət zamanı nənəsi və digər ailə üzvləri ilə şam yeməyində olub.

Obama, onun nənəsi Sara Obama, ögey bacısı Auma Obama və onlarla digər qohumlar prezidentin qaldığı Nayrobi otelində şam yeməyində iştrak ediblər.

Bundan əvvəl xəbər verilmişdi ki, Obamanı Keniya paytaxtının aeraportunda ölkə prezidenti Uxuru Keniata qarşılayıb. Liderin gəlişi münasibətilə təhlükəsizlik tədbirləri gücləndirilib. 10 min əsgər hazırda Keniya paytaxtını qoruyur.

Barak Obama burada Afrikada sahibkarlıq mövzusunda keçiriləcək konfransa iştirak edəcək. Səfər zamanı biznes və investisiyalardan başqa təhlükəsizlik və terrorizmlə mübarizə mövzuları da müzakirə olunacaq.

53 yaşlı Barak Hüseyn Obama ABŞ-ın 44-cü Prezidentidir. O, Afrika ölkələri Keniya və Efiopiyaya rəsmi səfər edən ilk ABŞ prezidenti kimi tarixə düşəcək.

Ölkə.Az