“Azərenerji” zərərdən mənfəətə keçdi
"Ölkə.Az" xəbər verir ki, dövlət şirkəti 2021-ci ili 147,227 milyon manat xalis mənfəətlə başa vurub. 2020-ci ildə isə şirkət 206,924 milyon manat xalis zərər açıqlamışdı.
Ötən ilin yekununda “Azərenerji”nin enerji satışından gəlirləri 1 280,912 milyon manat, elektrik şəbəkəsinə qoşulma xidmətindən və digər satış gəlirləri 8,825 milyon manat, digər gəlirləri 36,1% 30,598 milyon manat olub.
Sözügedən dövrə şirkətin yanacaq xərcləri 634,845 milyon manat, köhnəlmə və amortizasiya xərcləri 220,644 milyon manat, heyətlə bağlı xərcləri 75,525 milyon manat, təmir və texniki xidmət xərcləri 101,754 milyon manat, digər vergi ödəmələri 37,868 milyon manat, xammal və materiallar üzrə xərcləri 6,869 milyon manat, alınmış elektrik xərcləri 26,602 milyon manat, ƏDV-nin dəyərsizləşməsi ehtiyatında dəyişiklikdən zərəri 993 min manat, digər xərcləri 84,675 milyon manat, maliyyə xərcləri 27,309 milyon manat olub. Eləcə də, xarici valyuta mübadiləsindən mənfəəti 84,42 milyon manat, əmlak, tikili, avadanlıq və əmlak, tikili və avadanlığın alınması üçün verilmiş avanslar üzrə dəyərsizləşmə mənfəəti 9,654 milyon manat, mənfəət vergisi ödəmələri 50,098 milyon manat təşkil edib.
2022-ci il yanvarın 1-nə “Azərenerji”nin aktivləri 4 147,832 milyon manat, öhdəlikləri 2 503,293 milyon manat, balans kapitalı isə 1 644,539 milyon manat olub.
