“MilliKart” “Azərsu”nu məhkəməyə verdi
“MilliKart” MMC dövlət şirkətini məhkəməyə verib.
“Ölkə.Az”ın məlumatına görə, "Millikart" prosessinq mərkəzi MMC “Azərsu” ASC ilə bağlı məhkəməyə müraciət edib.
Hakim Zaur Pirverdiyevin sədrliyi ilə keçiriləcək məhkəmə işinin mahiyyəti müqavilələrdən əmələ gələn öhdəliklər üzrə mübahisələrdir.
Qeyd edək ki, bir neə ay öncə “Millikart” MMC-nin direktoru Elnur Məmmədov vəzifəsini tərk etmiş,rəhbərlik onun texniki məsələlər üzrə müavini Emin Muxtarova həvalə olunmuşdu.
Xatırladaq ki, “Millikart”ı 2006-cı ildə Azərbaycan Mərkəzi Bankı yaradaraq sonradan banklara satıb. Hazırda onun təsisçiləri fəaliyyətdə olan "Azərbaycan Sənaye Bankı", "Bank Respublika", "Unibank", "Azər-Türk Bank" kimi maliyyə təşkilatlarıdır.
Könül
Ölkə.Az
