Astarada meşələr qəsdən qurudulur? - FOTO

“Ölkə.Az” xəbər verir ki, bu barədə sosial şəbəkələrdə bir sıra fotolar paylaşılıb.

İddialara əsasən, adları “Qırmızı kitab”a salınan ağacların bəzilərini yandıraraq, bəzilərini deşib (kimyəvi maye tökmək üçün), bəzilərini də ovalvari kəsib qurudaraq məhv etməyə çalışırlar. Bəzi ağacların isə diblərindən kəsildiyi, üstünün yarpaqlarla örtüldüyü fotolardan görünür.

Məsələ ilə bağlı Astara Rayon İcra Hakimiyyətindən “Ölkə.Az”a bildirildi ki, həmin ərazi Ekologiya və Təbii Sərvətlər Nazirliyinin Meşələrin İnkişafı Xidməti tərəfindən müqavilə ilə Talıbov Famil Orucəli oğluna icarəyə verilib. "Məsələ ilə məlumat isə aidiyyəti qurumdan verilə bilər", - deyə icra hakimiyyətinin nümayəndəsi əlavə edib.

Məsələ ilə bağlı Ekologiya və Təbii Sərvətlər Nazirliyinə müraciət olunsa da, sorğu cavablandırılmayıb.

Könül
Ölkə.Az