Bitkoinin dəyəri son 2 ilin minimumuna endi
Dünyanın aparıcı kriptovalyutasının dəyəri son iki ilin ən aşağı səviyyəsinə enib.
"Ölkə.Az" xəbər verir ki, bitkoin 2020-ci ilin noyabr ayından bəri ən aşağı göstərici olan 15,625 dollar həddinə düşüb.
Gün ərzindəki gerçəkləşən 14%-lik dəyər itkisi isə iyunun ortalarından bəri ən böyük günlük eniş olub.
Qeyd edək ki, bitkoinin kəskin ucuzlaşmasına səbəb "Binance" birjasının hazırda problemlər yaşayan rəqibi "FTX"i satın almaq planından geri çəkilməsi ilə bağlı xəbərlər olub. Belə ki, gündəlik əməliyyat həcmi 12,5 milyard dollar olan "FTX" kimi dünyanın ən böyük kriptovalyuta platformalarından birinin yaşadığı problemlər bazarda ümumi etibarın itirilməsinə yol açıb.
Könül
Ölkə.Az
