İcra Hakimiyyəti yeni yaradılmış şirkətə 140 min manatlıq tender verdi

İcra Hakimiyyəti yeni yaradılmış şirkətə 140 min manatlıq tender verdi

Siyəzən Rayonu İcra Hakimiyyəti Başçısının Siyəzən Şəhər İnzibati Ərazi Dairəsi üzrə Nümayəndəliyi 7 ay öncə - 11.04.2022-ci il tarixində yaradılmış şirkətə 137,8 min manatlıq tender verib.

“Ölkə.Az”ın məlumatına görə, qurumun yolların əsaslı təmiri ilə bağlı elan etdiyi tenderin qalibi “Viktory Construction Group” MMC olub.

Qalib təşkilatla müvafiq olaraq 137,8 min manat məbləğində satınalma müqaviləsi imzalanıb.

Qeyd edək ki, “Viktory Construction Group” MMC 11.04.2022-ci ildə dövlət qeydiyyatına alınıb və qanuni təmsilçisi Bədəlov Bəhruz Bayram oğludur. Bakı şəhəri Nərimanov rayonu, Çaykovski, ev 2, m. 21 ünvanında qeydiyyatda olan şirkətin nizamnamə kapitalı 50 manat təşkil edir.

Həmçinin qurum eyni dövrdə yolların əsaslı təmiri ilə bağlı daha bir tender elan edib və tenderin qalibi “Viktory Construction Group” MMC olub. Sözügedən şirkətə 46,58 min manat ödəniləcək.

“R.V. Yol İnşaat” MMC isə 07.01.2009-cu ildə dövlət qeydiyyatına alınıb və qanuni təmsilçisi Bəndəliyev Zülfəli İsrafil oğludur. Şikətin nizamnamə kapitalı 20 manat, hüquqi ünvanı Bakı şəhəri Binəqədi rayonu, Əcəmi Naxçivani, ev 14, m. 15-dir.

Könül
Ölkə.Az