Azərbaycanın səhm bazarında güzəştlər ediləcək
Səhm bazarının inkişafı üzrə Mərkəzi Bank tərəfindən stimullaşdırıcı vergi rejimi və vergi güzəştləri ilə bağlı layihələr müvafiq qurumlarla müzakirə edilir.
“Ölkə.Az”ın məlumatına görə, bunu Azərbaycan Mərkəzi Bankının (AMB) Kapital bazarlarına nəzarət departamentinin direktorunun müavini Samir İsmayılov deyib. O bildirib ki, bu layihələr tamamlandıqdan sonra səhm bazarında inkişaf gözlənilir.
“Kapital bazarında maliyyə vasitəçiliyinin təkmilləşdirilməsi üçün bankların da kapital bazarında iştirakı nəzərdə tutulur. Bu da regionlarda həm emitentlərin, həm də investorların kapital bazarlarında iştirakını daha da genişləndirəcək”, - deyə S. İsmayılov əlavə edib.
Könül
Ölkə.Az
