Apple Watch daha iki ölkədə satışa çıxarıldı
Bu gün Apple-ın yeni ağıllı saatı Türkiyə və Rusiyada satışa çıxarılıb.
Türkiyədə bu telefonlar bu gün səhər saat 07:01-də satışa çıxarılıb.
Türkiyə mətbuatı yazır ki, bu saatı Apple-ın onlayn satış mağazalarından, eləcə də, İstanbulda yerləşən iki Apple mağazasından əldə etmək mümkün olacaq.
Məlumat üçün bildirək ki, Apple Watch ilk dəfə olaraq 9 ölkədə birdən bazara təqdim olunmuşdu, yaz aylarında isə siyahıya yeni ölkələr əlavə edilmişdi. Apple-ın açıqladığı son hesabata görə isə, şirkət ümumilikdə 2,5 ilə 3 milyon arasında Apple Watch satıb.
Qeyd edək ki, bir müddət əvvəl Rusiya mətbuatı da yeni ağıllı saatın iyulun 31-də satışa çıxarılacağını yazmışdı.
Onu da əlavə edək ki, Alma Store-dən (Apple-ın Azərbaycandakı rəsmi tərəfdaşı) Oxu.Az-a bildirmişdilər ki, bu saatın Azərbaycan bazarına nə vaxt daxil olacağı ilə bağlı məlumatlı deyillər.
Xatırladaq ki, Bakının məşhur telefon mağazalarında hələ də “Apple” saatlarının köhnə modelləri satılır.oxu.az
Ölkə.Az