Politoloq: "Jirinovski təlxəkdir"

Rusiyalı siyasətçi Vladimir Jirinovski ölkəni Rusiya imperiyası adlandırmaq və dünyanın yarısını “dizi üstə çökdürməyi"i təklif edib.

Rusiya Dövlət Dumasının sədr müavini və Liberal Demokrat partiyasının sədri Jirinovski bildirib ki, bütün iqtisadi əlaqələri dayandırmaq. Sanksiyaları dəstəkləyən ölkələr ilə bütün iqtisadi, ticarət, turizm əlaqələrini kəsmək, dünyanın yarısını “dizi üstə çökdürmək” lazımdır.

"Biz ən güclü hərbi arsenala malik olan ölkəyik, bizdən hamı qorxur. ABŞ-dan başqa digər ölkələr müharibə etməyi bacarmır. Fransızlara və almanlara elə dərs keçmişik ki, onlar bizimlə heç vaxt müharibə etməzlər", deyə Vladimir Jirinovski Putini dünyaya meydan oxumağa çağırıb.

Jirinovskinin fikirlərini politoloq Zərdüşt Əlizadə Ölkə.az-a verdiyi açıqlamasında şərh edib.

Zərdüşt Əlizadə: "Jirinovski təlxəkdir, təxribatçıdır, Kremilin oyuncağıdır. Heç kim onu ciddi qəbul etmir. Onun sözlərinə görə rus əsgərləri öz botinkalarını Hind okeanında yumalı idilər. Jirinovski 1989-cu ildə KQB-nin yaratdığı bir layihədir və indiyə kimi davam edir.

Rusiyanın dünya iqtisadiyyatında yeri 1,5%-dir. ABŞ-ın dünya iqtisadiyyatında yeri 18%, Avropanın payı da təxminən o qədərdir. Özündən 10-15 dəfə güclü olan ölkələrə, əhalisinin əksəriyyəti xəstə, sərxoş olan Rusiya guya meydan sulayır. Jirinovskiyə bir şey məsləhət vermk olar ki, oturub Rusiya əhalisinin statistikası barədəki hesabatlara baxsın, onda hər şeyi gözəl anlayacaq".

Qeyd edək ki, Jirinovski tez-tez qalmaqallı açıqlamaları ilə yadda qalan bir siyasətçidir.

Səxavət Məmməd
Ölkə.az