Azərbaycanda gənclər pulsuz IT kurslarla təmin ediləcək
Hazırda "IT hubs" adlı layihənin həyata keçirilməsi istiqamətində işlər davam etdirilir.
"Ölkə.Az" xəbər verir ki, bunu Dördüncü Sənaye İnqilabının Təhlili və Koordinasiya Mərkəzinin Rəqəmsal iqtisadiyyat şöbəsinin rəisi Cavid Abdullayev deyib.
O bildirib ki, layihənin məqsədi Azərbaycanın regionlarında müasir texnologiyalar və rəqəmsal sahəyə marağı olan gənclərin ödənişsiz olaraq IT kurslarla təmin olunması istiqamətində dəstək verməkdir: "Layihə Avropa Yenidənqurma və İnkişaf Bankı və Azərbaycanın əməkdaşlığı çərçisində həyata keçirilir".
"Bu layihənin ilkin addımları atılıb və yaxın zamanlarda ictimaiyyətə bununla bağlı məlumat veriləcək", - deyə C.Abdullayev əlavə edib.
Könül
Ölkə.Az
