Mətn ölçüsü:
  • 100%

Bu ölkədə defolt yaşandı

Ümumi dövlət borcu 73 milyard dollardır

Ölkə.Az "BBC"ə istinadən xəbər verir ki, Puerto-riko hökuməti ölkənin dövlət borcu ilə əlaqədar defolta yol verdiyini bəyan edib.

Puerto-Riko mərkəzi bankının saytında deyilir ki, vəsait çatışmazlığına görə ölkə borcun yalnız az qismini ödəyə bilib. Avqustun 1-də kreditorlar 58 milyon yerinə 0,5 milyon dollar alıblar. Puerto-Rikonun ümumi dövlət borcu 73 milyard dollar olaraq qiymətləndirilir. Hökumət gələcəkdə də kreditorlar qarşısında öhdəlikləri yerinə yetirə bilməyəcəklərini etiraf ediblər.

Puerto Riko Karib dənizində Amerika Birləşmiş Ştatlarının tərkibinə dail olan ərazi hesab olunur. Ölkə daxili məsələlərin həllində müstəqil, xarici siyasətdə isə ABŞ-a tabedir. Əhalinin hamısı ABŞ vətəndaşıdır və bütün Amerikalılar kimi sığortadan istifadə etmək hüquqlarına malikdir.

Adada ABŞ dolları işlədilir və son illər Ruben Berrios rəhbərliyində Müstəqil Puerto-Riko Partiyası Puerto-Rikonun müstəqilliyi uğrunda mübarizəyə başlamışdı. Ada əhalisinin böyük bir qismi müstəqillik fikrinə qarşıdır və ABŞ tabeliyində yaşamağın daha üstün olduğunu düşünür. ABŞ Federal Torpaqlarından ən iri və əhəmiyyətlisi olan Puerto-Rikoya hər il ABŞ tərəfindən maliyyə yardımı ayrılır.

Rəşid Mustafazadə

Ölkə.Az