III Çarlzın təsviri olan sikkələr dövriyyəyə buraxıldı

Britaniyada kral III Çarlzın təsviri olan ilk sikkələr dövriyyəyə buraxılıb. Onların nominal dəyəri 50 pensdir.

"Ölkə.az" xəbər verir ki,ümumilikdə poçt şöbələri 4,9 milyon sikkə alıb. 50 pensin üz tərəfində yerləşdirilmiş kralın portreti sentyabrın sonunda təqdim olunub.

Eyni zamanda, 9,6 milyon yarım funt sterlinq ilkin olaraq dövriyyəyə buraxılacaq. Monarxın olduğu ilk əskinaslar isə yalnız 2024-cü ildə peyda olacaq.

Bildirilir ki, ənənəyə görə monarxın üzü sola, sələfinə əks istiqamətə yönəlib. Portretin heykəltəraş Martin Cenninqs tərəfindən yaradıldığı qeyd edilir.

Həmçinin II Yelizavetanın təsviri olan təxminən 27 milyard sikkə ödəniş vasitəsi olaraq qalmağa davam edəcək.