Mətn ölçüsü:
  • 100%

Araz Əlizadə: \"Avrasiya İqtisadi İttifaqına Rusiyanın hesabına dolanan ac-yalavac ölkələr qoşulub\"

Qazaxıstan və Qırğızıstan rəsmən Avrasiya İqtisadi İttifaqına (Aİİ) qoşuldular.

Qazaxıstan və Qırğızıstanın Avrasiya İqtisadi İttifaqna qoşulması sazişini Qazaxıstan prezidenti Nursultan Nazarbayev təsdiqləyib.

Bir çox ekspertlər Avrasiya İqtisadi İttifaqını "Yeni SSRİ" adlandırırlar.

Qazaxıstan və Qırğızıstanın Avrasiya İqtisadi İttifaqına qoşulmasını Azərbaycan Sosial Demokrat Partiyasının sədri Araz Əlizadə Ölkə.az-a verdiyi açıqlamasında şərh edib.

Araz Əlizadə: "Bu qurumu "Yeni SSRİ" adlandırırlar, əslində isə bu qurum SSRİ-nin tör-töküntüsüdür. Güclü İttifaq üçün güclü dövlətlər olmalıdır. Bir İttifaqda ki, Ermənistan və Qırğızıstan var, o nə İttifaq olacaq? Qırğızıstan və Ermənistan bu İttifaqa "yemək" üçün qoşulub. Onsuz da Ermənistan və Qırğızıstanı Rusiya saxlayırdı. Bu ittifaqa qoşulsalar da, qoşulmasalar da bu dövlətlər Rusiyanın əlinin altında idi. Bunlar iksi də ac-yalavac ölkələrdir. Bu qurum ittifaq yox, Rusiyanın əlaltılarının birliyidir".

Qeyd edək ki, Qazaxıstan və Qırğızıstanın Avrasiya İqtisadi İttifaqına qoşulmasınndan öncə bu sənədi Ermənistan, Belarus və Rusiya prezidenti təsdiqləmişdi.

Səxavət Məmməd
Ölkə.az