RYTN aparat rəhbəri Vidadi Zeynalov \"MEDİANIN DOSTU\" mükafatına layiq görüldü

Xəbər verdiyimiz kimi bir neçə gün öncə Azərbaycan-Slavyan Gənclər Assosasiyası və Türkiyə Cümhuriyyətinin Avrasiya Qəzetçilər Dərnəyinin Qafqaz Təmsilçiliyi Milli Mətbuatımızın 140 illiyinə həsr olunmuş tədbir keçirib.

Tədbirdə Türkiyə Cümhuriyyətinin Avrasiya Qəzetçilər Dərnəyinin Qafqaz Təmsilçiliyinin sədri Aqil Ələsgər, Azərbaycan-Slavyan Gənclər Assosasiyası İctimai Birliyinin sədri Səbuhi Abbasov çıxış edərək KİV nümayəndələrini Milli Mətbuatın 140 illiyi münasibəti ilə təbrik edib.

Tədbirdə 50-yə yaxın Media qurumu müxtəlif mükafatlarla təltif olundu. Bundan başqa ASGA və AGD tərəfindən aparılan rəy sorğuya müvafiq olaraq Azərbaycan Respublikası Rabitə və Yüksək Texnologiyalar Nazirliyinin Aparat rəhbəri Vidadi Zeynalov “Medianın dostu” mükafatına layiq görülüb.

Sonra Azərbaycan-Slavyan Gənclər Assosasiyası, Türkiyə Cümhuriyyətinin Avrasiya Qəzetçilər Dərnəyinin Qafqaz Təmsilçiliyi və “Xalq City” MTK adından KİV nümayəndələrinə diplom və mükafatlar təqdim olundu.

Vidadi Zeynalov:

1959-cu il yanvarın 17-də Azərbaycan Respublikasının Yevlax rayon Kövər kəndində anadan olmuşdur.

1977 - 1982 keçmiş M.Əzizbəyov adına Azərbaycan Neft və Kimya institutunun mühəndis-iqtisad fakültəsinə daxil olub. İnstitutda oxuduğu dövrdə fakültə həmkarlar komitəsinin sədri, institut həmkarlar komitəsinin sədr muavini işləmiş, elmi konfranslarda fəal iştirakına görə diplom və fərmanlarla təltif olunmuşdur. 1982-ci ildə institutu bitirib, hərbi hazırlıq kursu keçmiş və leytenant rütbəsi almışdır.

1982-ci ildə təyinatla Azərbaycan SSR Maliyyə Nazirliyinə Mənzil komunal avtonəqliyyatı, yol təsərrüfatı və rabitənin maliyyəşdirən idarəyə, iqtisadçı, sonra isə böyük iqtisadçı vəzifəsinə təyin edilmişdir.

1987 - 2000 mart ayından göndərişlə Bakı şəhər Maliyyə İdarəsinin xalq təsərrüfatının maliyyələşdirilməsi şöbəsinin rəis müavini təyin edilmişdir. 1990-cı ildən isə həmin şöbənin rəisi, sonra isə idarənin rəis müavini təyin edilmişdir. 1995-ci ilin iyun ayından isə həmin idarənin rəisi təyin edilmişdi.

2000 - 2004 Azərbaycan Dövlət İqtisad Universitetinin inzibati - təsərrüfat işləri üzrə prorektor vəzifəsində çalışıb.

Hazırda Azərbaycan Respublikası Rabitə və Yüksək Texnologiyalar Nazirliyinin Aparat rəhbəri vəzifəsində çalışır. Rus və ingilis dillərini bilir.

Ailəlidir, 3 övladı var.

Ölkə.az