Neft ucuzlaşdı

Brent markalı neftin qiyməti yenidən 50 dollardan aşağı düşüb.

ICE London qitələrarası birjasında Brent markalı neftin qiyməti 0,5 dollar ucuzlaşaraq 49,73 dollar olub.

Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti 1 barelə görə 0,81 dollar azalaraq 45,13 dollar təşkil edib.

Qeyd edək ki, çərşənbə günü Brent markalı neftin qiyməti bir neçə gündür davam edən kəskin ucuzlaşmadan sonra yenidən 50 dolları keçərək, 50,23 dollar olmuşdu.

Onu da əlavə edək ki, ekspertlər isə bildirir ki, Amerikanın neft ehtiyatlarının proqnoz göstəricilərindən artıq miqdarda yığılması, Çinin enerjiyə olan tələbatının azalması, İran faktoru və s amillər neftin qiymətinin ucuzlaşmasına təsir göstərir.

Ölkə.Az