ABŞ bu ölkələri "bədbəxt" edib

Onların təbliğ etdiyi mədəniyyət və dəyərlərə nifrət edirlər

Yer kürəsində elə bir nöqtə yoxdur ki, orada Amerika Birləşmiş Ştatlarının siyasi və iqtisadi maraqları olmasın. Ancaq bu ölkələrin sakinlərinin böyük əksəriyyətinin fikrincə, onlar bütün bəlalarının əsas səbəbkarı ABŞ-dır. Bəziləri isə ştatların təbliğ etdiyi mədəniyyət və dəyərlərə nifrət edirlər.

Ölkə.Az olaraq ABŞ-a nifrət edən ölkələri təqdim edirik:

Misir

Misir hegemon dövlətə qarşı olan nifrətinə görə lider hesab olunur. Siyasi dairələrin Vaşinqton qarşısında oyunlar aparmaq istədiyi vaxtda küçədə insanlar tamam başqa əhval-ruhiyyədədir. Maraqlısı odur ki, Misir və ABŞ uzun müddət ticarət partnyorları olublar. Hazırda isə misirlilərin 85%-i ABŞ-a nifrət edir.

İordaniya

İordaniyada sakinlərin yalnız 12%-i ABŞ siyasətini dəstəkləyir. İordaniyalıların ABŞ-a nifrət etməsi Fələstinə görədir.

Türkiyə

Türkiyədə əhalinin 73%-i amerika mədəniyyətinin təsirindən narazıdır. Onların fikrincə, ştatlar hər zaman onlara aid olmayan yerlərə burunlarını soxurlar.

Fələstin

Fələstinlilərin 72%-i İsraili dəstəklədiyinə görə ABŞ-a nifrət edir.

Yunanıstan

Yunanların 63%-i hesab edir ki, Yunanıstanın bütün bəlaları, o cümlədən maliyyə xaosunun günahkarı məhz ABŞ-dır. Bundan əlavə, yunanların fikrincə, ABŞ digər dövlətlərə qarşı təcavüzkar siyasət həyata keçirir.

Pakistan

Pakistanlılar ABŞ-a qonşu Hindistanda da çox nifrət edirlər. Bu nifrət ölkə ərazisində Usama Ben Ladenin öldürülməsinə yönəlmiş hərbi əməliyyatdan sonra daha da güclənib. Pakistan əhalisi ABŞ-ı homoseksuallığı azadlıq və bərabərlik adı altında sırımaqda ittiham edirlər. Əhalinin 59%-i əlində silah ABŞ-a hücum edib, onu məhv etməyə hazırdır.

Livan

Livan əhalisinin 66%-i ABŞ-la bağlı hər şeydən uzaqdır. Livanlılar da İsraili dəstəkləyən ABŞ-a kin bəsləyir.

Avstriya

Avstriyalıların 55%-nin fikrincə, ABŞ ölkənin ticarət məsələlərinə həddindən çox qarışır.

Sloveniya

Keçmiş Yuqoslaviya ərazisində münaqişələrdə günahkar bilinən ABŞ Sloveniyada əhalinin 54%-i tərəfindən sevilmir.

İran

Bu ölkədə insanların 61%-i ABŞ və ABŞ-la bağlı olan hər şeyi görməyə gözləri yoxdur. Buna səbəb müxtəlif iqtisadi sanksiya və qadağalardır.

Serbiya

Bu ölkənin yarısının ABŞ-ı görməyə gözü yoxdur. Onların bu cür münasibətinə səbəb isə Albaniya ilə bağlı ştatların sərgilədiyi mövqe, bosniyalı müsəlman və xorvatları müdafiə etməsi və Kosovaya verdiyi dəstəkdir.

Almaniya

Almanların 47%-i ABŞ-a nifrət edir. Səbəblər çoxdur: İkinci Dünya Müharibəsi, Almaniyanın iştirak etməyə məcbur olduğu ABŞ-ın apardığı hərbi əməliyyatlar və s. ABŞ-a Almaniyanın şərqində daha çox nifrət bəslənilir.

Rusiya

Rusiyada isə ABŞ-a nifrət hissi uşaqlıqdan aşılanır. Rusiyada ştatların həm siyasəti, həm mədəni dəyərləri qəbul olunmur. 2015-ci ildi Amerikaya nifrət edən vətəndaşlar ümumi əhalinin 82%-ni təşkil edib.

Şimali Koreya

Bu ölkədə ABŞ-la bağlı sorğular aparılmasa da, onların mövqeyi açıq-aşkar bəllidir. Bunun səbəbləri o qədər çoxdur ki, onları bir kitaba toplamaq mümkündür.

Rəşid Mustafazadə

Ölkə.Az