İŞİD müsəlman qadınlara görə xorvatiyalı girovu öldürməklə hədələyir

O, neft-qaz şirkətinin əməkdaşı olub

Ölkə.Az xəbər verir ki, İŞİD terror qruplaşmasının yaraqlıları Misirdə hökumətin həbsxanalarda saxlanılan müsəlman qadınları azadlığa buraxmayacağı təqdirdə Xorvatiyadan olan girovu öldürməklə hədələyiblər.

Dünən yayımlanan videoda deyilir ki, İŞİD-çilər 48 saat ərzində tələblər yerinə yetirilməsə, girov qətlə yetiriləcək. Məlum olub ki, 22 iyulda ələ keçirilən 30 yaşlı xorvatiyalı Tomislav Salopek terrorçuların əlindədir.

Xorvatiyanın xarici işlər nazirliyi Salopekin Qahirə şəhərində işə gedərkən oğurlandığını təsdiq ediblər. O, Fransanın "CGG Ardiseis" adlı neft-qaz şirkətinin əməkdaşı olub.

Rəşid Mustafazadə

Ölkə.Az