Politoloq: "İŞİD-in sonu çatıb"
Medvedyev Yaxın Şərqdə baş verənlərlə bağlı çaşdırıcı bəyanatlar verib.
Rusiyanın baş naziri İŞİD terror təşkilatına qarşı aparılan mübarizəni qeyri -legitim adlandırıb.
Medvedyevin sözlərinə görə, Suriyada İŞİD terror təşkilatına qarşı mübarizə üçün Dəməşqin icazəsi alınmayıb.
"Belə hallarda isə ümumiyyətlə BMT Təhlükəsizlik Şurasının qərarı olmalıdır. Türkiyənin Suriya və İraqda həyata keçirdiyi əməliyyatlar da elə buna görə qeyri-qanunidir", deyə Rusiyanın baş naziri vurğulayıb.
Rusiyanın baş naziri İraqda İŞİD terror təşkilatına qarşı aparılan əməliyyatların isə rəsmi Bağdadın icazəsi olduğuna görə, qanuni adlandırıb.
Medvedyevin səsləndirdiyi fikirləri politoloq Qabil Hüseynli Ölkə.az-a verdiyi açıqlamasında şərh edib.
Qabil Hüseynli: "Medvedyevin açıqlamasında məntiq deyilən şey yoxdur. Ona görə ki, dünənə qədər Rusiya iddia edirdi ki, İŞİD terror təşkilatı Şimali Qafqazı, hətta Rusiyanı da təhdid edir. BMT-nin Təhlükəsizlik Şurasının icazəsi məsələsinə gəldikdə isə sual ortaya çıxır, bəs sən Çeçenistana divan tutanda, çeçen aullarını artilleriyadan, aviasiyadan borbadıman edəndə o zaman BMT Təhlükəsizlik Şurasında bu məsələləri müzakirə etmişdin? Əlbəttə yox!"
Suriya təkcə Bəşər Əsəddən ibarət deyil
"Türkiyədə qaz kəmərləri partladılır, dövlət maşınları yandırırlar, əhalini girov götürürlər, terror aktları törədirlər, əsgərə güllə atırlar, bir növ PKK və İŞİD terror təşkilatları türk dövlətinə meydan oxuyur. Türkiyə özünü müdafiə etməlidir, ya yox?! Rusiya necə ki, Çeçenistanda öz milli azadlıqları uğrunda mübarizə aparan insanları hər yerdə təqib edirdi, hətta Londonda belə təqib edib güllələyirdi, indi də Türkiyə İŞİD və PKK terrorçularına qarşı həmin metodla mübarizə aparır.
Türkiyə son günlərə qədər kürdlərlə atəşkəs rejiminə əməl edirdi və eyni zamanda demokratikləşmə prossesini həyata keçirmək üçün "Kürd açılımı" layihəsini həyata keçirirdi. Kürdlər bu səbəbdən parlamentə düşdülər, 80 deputatları var. Belə bir məqamda PKK yendən meydan sulamaq, türkə qarşı çevrilmiş qaniçən iradəsini həyata keçirmək üçün yenidən hərəkətə başlayıb.
"Antiterror koalisiyasının İraqda keçirdiyi əməliyyatlar qanunidir, Suriyada keçirdiyi əməliyyatlar qeyri-qanuni" fikrinə gəldikdə isə ortaya belə bir sual çıxır, Suriya öz ərazisinə nəzarə edə bilir? Suriya ərazisinin demək olar çox hissəsini İŞİD terror təşkilatı tutub. Suriya təkcə Bəşər Əsəddən ibarət deyil axı. Bir dövlətin ki, əhalisinin 8 liyondan çoxu ölkəni tərk edə, belə olan tərzdə nə etməlidirlər? Suriya Azadlıq ordusu var. Suriya Azadlıq ordusu öz ölkəsinin taleyini öz əlinə almaq üçün mübarizə aparır. Bu mübarizədə də onlar Türkiyəyə, ABŞ-a arxalanırlar. AntiİŞİD koalisiyasının məqsədi Yaxın Şərqdə müharibə alovunu söndürməkdir. Koalisiya İŞİD terror təşkilatı kimi qeyri-adi, dünyada tayı bərabri olmayan, Talibandan da betər olan başkəsən bir qurumun sonuna çıxmağı qarşısına məqsəd qoyub.
Rusiya sevinməlidir ki, İŞİD terror təşkilatını məhv edib sıradan çıxardacaqlar
Rusiyanın Suriyada maraqları və hərbi dəniz donamması var deyə Suriyadakı İŞİD-çilərlə, PKK-çılarla mübarizə aparmaq olmaz? İraqın kiçik bir hisssini İŞİD zəbt edib. İŞİD terror təşkilatının böyük bir hissəsi isə Suriya ərazisini əhatə edir. Rusiya istəmir deyə, Suriya ərazisindəki İŞİD-çilərlə mübarizə aparılmamalıdır? Bəşər Əsəd Dəməşqdə oturub, oranı idarə edir, yerdə qalan hissə İŞİD terror təşkilatının əlindədir. Terrorun mərkəzi, İŞİD terror təşkilatının paytaxtı da Suriya ərazisindədir, belə olan təqdirdə Türkiyə nə etsin və yaxud antiİŞİD koalisiyası nə etsin? Gözləsinlər ki, nə zaman bu məsələ BMT Təhlüksizlik Şurasında müzakirəyə çıxarılacaq və orada da Rusiyanın nümayndəsi məsələnin əleyhinə səs verib, qərarın qüvvəyə minməsinə imkan verməyəcək? Bu tip məsələlərdə Təhlükəsizlik Şurasının qərarını gözləmirlər. Bu tip məsələlərdə ancaq dünyanın təhlüksizlik məsələsi nəzərə alınır, necə ki, görürük, ona qarşı mübarizə aparılır.
Rusiya sevinməlidir ki, İŞİD terror təşkilatını məhv edib sıradan çıxaracaqlar. Vəziyyət bu cür davam etsə, Rusiya bir gün görəcək ki, İŞİD terror təşkilatının tərkibindəki çeçen səhra komandirləri öz dəstələri ilə birlikdə yenidən Çeçenistanda, İnquşetiyada və ölkənin müxtəlif yerlərində peyda olublar. Ona görə də, Rusiya baş nazirinin söylədiklərinin heç bir əsası yoxdur, dedikləri normal məntiqə, hüquqi bazaya söykənmir və onu qəbul etmək mümkün deyil.
Dünya bu bəyanatlara əhəmiyət verməyəcək
Rusiyanın etdiklərini heç kim unutmayıb. Öz etdikləri ABŞ, NATO və Türkiyənin etdiklərindən də pis olan bir ölkə və hələ də dünyanı təhdid altında saxlayan bir ölkənin, başqalarına irad tutması çox gülməli gəlir. Rusiya ona görə acıqlıdır ki, Kreml özü də koalisiya qurmaq istəyirdi, ancaq bu koalisiya alınmadı. Rusiyayanın Misirə gümanı çatırdı, hətta Misir də Rusiya ilə koalisiya qurmaq istəmədi. Rusiaynın gümanı İrana qalırdı, rəsmi Tehran da bundan imtina etdi...
Dünyadan təcrid olunmuş Rusiya dünyada baş verən hadisələrə müdaxilə etmk imkanları zəiflədikcə mənasız bəyanatlarının sayı çoxalır və dünya bu bəyanatlara əhəmiyət verməyəcək.
Bu "islam dövləti"nin sonu çatıb
İŞİD terror təşkilatı indiyə qədər yüzlərə adamın başını kəsib və onlarla ölkəyə iddia irəli sürüb. İŞİD terror təşkilatı götürdüyü girovların başını kəsə bilər, amma məsələ burasındadır ki, bu "islam dövləti"nin sonu çatıb. Bu ilin sonuna kimi İŞİD terror təşkilatı sıradan çıxacaq. Bəziləri qaçıb haradasa siçan kimi hardasa gizlənə bilər, ancaq təhlükəsizlik qüvvələri onların axırına çıxacaqlar".
Səxavət Məmməd
Ölkə.az
