Yanukoviç prokurorluğa çağırıldı

Yanukoviçin harada olması barədə məlumat yoxdur

Ölkə.Az xəbər verir ki, Ukrayna baş prokurorluğu 11 avqust üçün keçmiş prezident Viktor Yanukoviçi təhqiqat işi ilə əlaqədar çağırıb.

"Şübhəli bilinən Yanukoviç Viktor Fyodor oğlu 11 avqust 2015-ci il saat 11:00 üçün Cinayət Məcəlləsinin 191-ci maddəsi ilə bağlı təhqiqat işlərinin aparılması məqsədilə Ukrayna baş prokurorluğunun şöbə rəisi Y.Bezşasnının yanına çağırılır", - deyə bildirişdə qeyd olunub.

Ukrayna prokurorluğunda Yanukoviçin harada olması barədə məlumat yoxdur.

Xatırladaq ki, Ukraynanın keçmiş prezidenti Viktor Yanukoviçin ailəsinin maraqlarını təmsil edən "Joseph Hage Aaronson" vəkil şirkəti Yanukoviçin İnterpol tərəfindən axtarılmadığını bəyan etmişdi.

Rəşid Mustafazadə

Ölkə.Az