Azərbaycanda suda boğulan 5 nəfərin meyiti tapıldı

Azərbaycanda suda boğulan 5 nəfərin meyiti tapılıb.

DİN-dən Ölkə.Az-a verilən məlumata görə, avqustun 5-də Mərdəkan qəsəbəsindəki dəniz çimərliyində Gəncə şəhər sakini Akif Məmmədov, Zuğulba çimərliyində Buzovna qəsəbə sakini Ərəstun Əliyev, Tovuz rayonu Qazqulu kəndində Kamran Hüseynov su anbarında çimərkən boğulublar.

Şəmkir rayonunun Qaranüy kəndində isə Elvin Piriyev Kür çayında balıq tutarkən yıxılaraq çayda boğulub.

Daha bir nəfər – 12 yaşlı Anar Baxşəliyev isə Sumqayıtda batıb.

Əvvəlcə Abşeron rayon sakini olan yeniyetmənin itdiyi bildirilsə də, araşdırmalar zamanı A.Baxşəliyevin çimərkən boğulması müəyyən edilib və avqustun 5-də onun meyiti tapılaraq sudan çıxarılıb.

Ölkə.Az