Erməni politoloq: "Türkiyədəki hərbi əməliyyatlar Yerevan üçün təhlükədir"
"Erməni tərəfi üçün risklərə yol aça bilər"
Ölkə.Az xəbər verir ki, erməni politoloq, türkoloq Levon Ovsepyan Türkiyədə aparılan hərbi əməliyyatların Yerevan üçün təhlükə daşıdığını bildirib.
"Türkiyə ərazisində kürd qruplaşmaları ilə Ermənistanla sərhəd yaxınlığında hərbi əməliyyatların həyata keçirilməsi Yerevan üçün böyük problemlərə yol aça bilər. Bu haqda Ermənistanın hərbi doktrinasında da deyilir", - deyə Ovsepyan qeyd edib.
O əlavə edib ki, regionda hər hansı hərbi toqquşma erməni tərəfi üçün risklərə yol aça bilər.
Xatırladaq ki, bu ilin təkcə 20 iyulundan sonra PKK-nın terror hücumları nəticəsində Türkiyənin təhlükəsizlik orqanlarının 18 əməkdaşı qətlə yetirilib. Türkiyə rəsmilərinin məlumatlarına görə, bu müddət ərzində 260 PKK-çı məhv edilib.
Rəşid Mustafazadə
Ölkə.Az
