ABŞ İŞİD-çinin arvadını qaytardı

As-Sayaf hazırda İraq Kürdüstanında həbsdədir

Ölkə.Az xəbər verir ki, ABŞ xüsusi əməliyyatlardan biri nəticəsində qətlə yetirilmiş İŞİD terror təşkilatı liderlərindən olan Əbu As-Sayafın arvadını İraq hökumətinə təhvil veriblər. Bu barədə məlumat ABŞ Müdafiə nazirliyi tərəfindən təsdiq olunur.

"15 mayda İraqda saxlanılan və İŞİD terror təşkilatına qoşulmaqda şübhəli bilinən, Umm As-Sayaf kimi tanınan Naşrin Əsəd İbrahim Bağdada təhvil verilib", - deyə Pentaqonun bəyanatında bildirilib.

Qeyd olunur ki, As-Sayaf hazırda İraq Kürdüstanında həbsdədir.

Xatırladaq ki, may ayında amerika xüsusi təyinatlıları Suriyanın şərqində həyata keçirdikləri əməliyyat nəticəsində Əbu As-Sayafı məhv etmişdilər.

Rəşid Mustafazadə

Ölkə.Az