Azərbaycanlı aktyor bu fotoya görə təhdid olunur: \"Bu şəkli internetdə görsəm, aparacam karyer yoluna...\"

"Çünki o söhbətə ancaq karyer yoluna aparır"

Mingəçevir Dövlət Dram Teatrının keçmiş aktyoru Asim Muxtarov Ölkə.Az-a daha bir ilginc açıqlama verib. Aktyor saytımıza ünvanladığı məktubda bildirib ki, bir müddət öncə teatr direktorunun sürücüsü onu təhdid edib:

"Gecə vaxtı teatrın ərazisində fəaliyyət göstərən "moyka"nın plakatını çəkirdim. Gündüz həmin afişanı çəkəndə direktor Səxvət Məmmədov öz maşınıyla mənim arxamca düşmüşdü. Yanımda yad adam olduğuna görə istəmədim ki, ona problem yaransın.

Amma maşınına oturtsaydı, yəqin ki. dostlarım məni karyerdə axtaracaqdılar. Axşam sizə göndərdiyim fotonu çəkəndə Səxavət Məmmədovun sürücüsü Atəş məni çağırdı, hədə-qorxu gəldi. Dedi ki, əgər bu şəkli internetdə, mətbuatda görsəm, zəng edib başqa cür danışacam, aparacam karyer yoluna...Çünki o söhbətə ancaq karyer yoluna aparır. Bildirdim ki, şəkil çəkmək üçün kimdənsə icazə almalı deyiləm".

Qeyd edək ki, hazırda işsiz olan aktyorun geniş müsahibəsini yaxın günlərdə təqdim edəcəyik.

Ölkə.Az