Braziliyada aparıcını canlı efirdə güllələdilər

Cinayətkarlar aparıcı Gleydson Karvalyoya atəş açıblar

Ölkə.Az xəbər verir ki, Braziliyanın "Radio Liberdade FM" radiostansiyasının studiyasına daxil olan iki nəfər naməlum şəxs aparıcını qətlə yetirib.

Hadisə ölkənin Seara ştatında baş verib. Polis orqanları tərəfindən yayılan məlumatlara əsasən, qatillər radiostansiyanın yerləşdiyi binaya reklam yerləşdirmək bəhanəsi ilə daxil olublar. Onlar mühafizəçiyə pul verməklə binaya giriblər. Cinayətkarlar aparıcı Gleydson Karvalyoya atəş açıblar.

Jurnalist xəstəxanaya çatdırılsa da, onun həyatını xilas etmək mümkün olmayıb. Hadisə ilə bağlı araşdırmalar aparılır.

Ölkə.Az