İŞİD taksi sürücülərini edam etdi

Casusluq etdiyi üçün

Ölkə.Az xəbər verir ki, İŞİD terror təşkilatı taksi sürücülərini edam edib.

Edam İraqın şimalında yerləşən Neyneva əyalətin mərkəzi şəhəri Mosulda həyata keçirilib. İraq Kürdüstan Demokrat Partiyasının səlahiyyətlisi Səid Memozini bildirib ki, İŞİD yaraqlıları 9 taksi sürücüsünü İraq hökuməti və Kürdüstan yerli hakimiyyətinə casusluq etdiyi üçün qəddarlıqla edam edib.

Xatırladaq ki, İŞİD terror təşkilatının üzvləri cinsi əlaqəyə girməkdən imtina edən 19 qızı edam etmişdi. Məlum olub ki, gənc qadınlar ötən ilin iyununda İŞİD-in nəzarətinə keçən Mosul şəhərində girov kimi saxlanılıb.

BMT İŞİD-in həyata keçirdiyi qadın alveri və edam faktlarını araşdırmağa davam edir.

Rəşid Mustafazadə

Ölkə.Az